Прошетка до Трло
Трло е вежбалиште кое се наоѓа на Матка - на околу 30 минути пешачење од манастирот Св. Никола Шишевски. Ретко кога одиме таму, со оглед на тоа што насоките се кратки (по околу 30-тина метри), но во зимските месеци, поради јужната експонираност на карпата, таму е совршено за тренинг искачувања... Така беше и овој Декемвриски ден. Типично - Скопје заробено во магла, а како што одевме кон Матка небото полека стануваше сé по чисто. По патеката кон Св. Никола јакните и неколкуте слоја полари ги намаливме на по еден полар, а на Трло - жалевме што не понесовме маици со кратки ракави...
