Пакленица е национален парк кој се простира на површина од 96 km2, покрај обалата на Јадранското Море до највисоките врвови на Велебит – Вагански Врв (1757м) и Свето Брдо (1753м).
Во состав на овој национален парк се наоѓа и истоимениот (може да се каже најзначаен) хрватски качувачки центар - одлично уреден и со висок квалитет на насоки, кој ги привлекува алпинистите од цела Европа.
Историјата на алпинизмот во Пакленица започнува во 1938 година кога Драгутин Брам се обидел да се искачи по големата карпа на Анича Кук, но при тоа за жал - загинал. Две години подоцна, С. Брезовачки и М. Драгман ја довршуваат Брамовата насока.
Другата фаза на алпинизмот на овој локалитет започнува во 1955 година кога по средишниот дел на Анича Кук е искачена во тој момент најтешката насока - „Мосорашки“ со оцена VI.
Од 1960 година до 1970 година искачени се многу насоки кои денес се класики - „Велебиташки“, „Клин“, „Функција“, „Караборе“, „Љубљански“...
Денес на Пакленица има преку 400 обезбедени насоки со различни тежини и должини и секој качувач може да најде нешто за свое задоволсто. Главната сезона започнува во пролет и трае до доцна во есен.
Пакленица е национален парк кој се простира на површина од 96 km2, покрај обалата на Јадранското Море до највисоките врвови на Велебит – Вагански Врв (1757м) и Свето Брдо (1753м).
Другата фаза на алпинизмот на овој локалитет започнува во 1955 година кога по средишниот дел на Анича Кук е искачена во тој момент најтешката насока - „Мосорашки“ со оцена VI.