На оваа тема: - Нови експанзиони во „Компресор“ на Серо Торе; - Преписката меѓу Ред Бул и Кели Кордс; - Лама повторно кон Серо Торе (Јан/2011г.)
|
Лама повторно кон Серо Торе - 25.01.2011г, Игор Т. Колин Хејли известува за дел од активностите околу чистењето на оставената опрема (ѓубре) на Серо Торе од страна на Давид Лама и неговиот тим минатата година, за неговиот разговор со Давид - во кој тој ги изнесува своите планови за оваа година на оваа планина... На 14-ти Ноември 2010г. и 9-ти Јануари 2011г. во два наврати се извадени 30 експанзиони клинови поставени од експедицијата на Давид Лама и Ред Бул минатата година на Серо Торе во Патагонија. Поради својот стил експедицијата предизвика силно негодување и револт кај меѓународната качувачка заедница (потсетете се преку линковите десно). Најголема заслуга тогаш за отркивањето на овој случај пред јавноста имаше Кели Кордс.
Сега пак, Колин Хејли, на својот блог пред 3 дена открива нови моменти - Лама се вратил и оваа сезона во Патагонија... Најдолу има линк до блогот на Колин каде можете да видите повеќе информации и фотографии – потсетување на историјата на качувањета на оваа планина, потсетување на случајот со Лама и Ред Бул тимот минатата година и слично, а ние ви пренесуваме само еден дел од текстот. „22.01.2011 Лоши вести: Тоа што не е разумно е начинот на кој Лама планира да буши. Во разговор со мене, Лама ми објасни дека тој планира да направи искачување преку нормалната Компресор насока, а потоа да абзелува по друга линија и да поставува експанзиони клинови – при абзелување (спуштањето надолу). Да, точно така – да поставува експанзиони клинови на гранитот на Серо Торе абзелувајќи надолу! Се обидов да го убедам да ги поставува експанзионите водејќи и висејќи на куки, но тој инсистираше на тоа дека тоа ќе го направи абзелувајќи надолу. Зак Смит му спомна: „Знаеш дека луѓето ќе бидат многу вознемирени ако поставиш експанзиони клинови абзелувајќи надолу, така? Одговорот на Лама беше: „Ќе можам да го поднесам тоа.“ Пред да дојде во Патагонија минатата сезона, Лама во интервју за Ред Бул кажа: „Во минатото беше важно само да се освои врвот, а не и толку начинот на кој тоа ќе се направи. За да се стигне до врвот беа ковани и бушени многу клинови. Даниел и јас сакаме тоа да го направиме без никаква техничка помош.“ Иронично е тоа што тој не се чувствува способен да постави нова насока со водење (качување) од долу, па наместо тоа планира да постави обезбедување со абзелување (спуштање од горе). Иронично е и тоа што тој е само способен да ги постави тие свои експанзиони клинови – поради постоењето на Компресор насоката. Без нејзе Лама претходно би требал да го качи Серо Торе по тежок терен или да биде спуштен на врвот со хеликоптер. Срамота е тоа што на Лама му недостасува самодоверба во неговите способности да се обиде неговиот проект да го направи во чист, алпинистички стил. Кога прв пат слушнав дека експедицијата на Лама не планира да фиксира јажиња на насоката Компресор бев многу среќен, па и возбуден за нивниот проект. За жал овие чувства исчезнаа кога слушнав за неговиот план да го симне Серо Торе на некое свое ниво со поставување на експанзиони клинови – со абзелување од горе. Лично немам ништо против поставување на експанзиони клинови на таков начин на некој спортско-качувачки локалитет, но се надевам дека секој качувач во светот може да ја види разликата помеѓу Серо Торе и спортски локалитет. Оваа етичка дилема нема никаква врска со разликите помеѓу качувачите од Северна Америка и Европа. Дури и етиката на качување од доле – нагоре денес е уште посилна во Европа отколку во Северна Америка и таму постојат многу локалитети каде многу строго е дозволено само качување на нови насоки со водење (познати примери се Ратикон или јужната страна на Мармолада) Линк до блогот на Колин Хејли:
ПЕТИЦИЈА: Отворена е и петиција во која стои: „...Веќе ја знаете работата – Давид Лама е вратен во Патагонија со неговата филмска екипа од Ред Бул со цел да направи слободно искачување на насоката „Компресор“ на Серо Торе. Последниот пат направија целосен хаос во тоа место, додавајќи експанзиони клинови во насоката и често до места кои се совршени за чисто обезбедување. Исто така по повлекувањето оставија ѓубре насекаде по планината. Овој пат Лама планира да се качи технички до врвот и потоа да абзелува и да постави експанзиони клинови при спуштањето. Точно така – да постави експанзиони клинови при спуштање на Серо Торе. Како качувачка заедница, за нас овие планови/дејствија на Лама се неприфатливи. Тие се во целосна спротивност со локалната качувачка етика во Патагонија, а исто така и со модерната алпинистичка етика воопшто. Овие акции на Давид Лама во голерма мера се овозможени преку финансиска поддршка и опрема добиена од неговите спонзори. Како што стои на неговиот веб-сајт тоа се: Ред Бул, Мамут и Ла Спортива. Замолете ги овие компании да го откажат нивното спонзорство на Лама како резултат на неговите планови и дејствија и бојкотирајте ги нивните производи сé додека тие останат поврзани со Лама. Со потпишување на оваа петиција, писмата автоматски ќе бидат испратени до: Потпишете се на оваа петиција преку овој линк >>>> |
