|
Отмарова насока, IV (IV+) - 10.10.2009, Игор Т. Ова е првата насока на карпата на Матка во нејзиниот централен дел – каде таа е највисока. Првиот обид за искачување на нова насока овде го прават Отмар Худомаљ (македонски алпинист со словенечко потекло) и Драги Трајковски на 4-ти Јули 1957 година. За жал во тој обид, високо во насоката (поточно во близина на вториот превис во третата должина) Отмар тогаш на 18-годишна возраст, загинува поради голем пад по извлекување на голем блок во тој дел. Насоката е именувана во негова чест – „Отмарова насока“.
Втората должина е каминеста и таквиот терен на крајот е затворен со многу убав превис кој како и во поголем дел од оваа должина го поминуваме со расчекор и високо дофаќање на добри фаќалишта. Ми се допаѓа експонираноста во тие моменти - кога ќе погледнам надолу имам чувство како целото тело да ми лебди во воздух некако... Тоа ми е омилен детал во насоката – меѓутоа и еден од најомилените од сите насоки на Матка! Од овде се стигнува до второто сидриште - „кај кутијата“.
Денес во оваа насока со по два лепени клина се обезбедни сите сидришта, но исто така по еден лепен клин заедно со алпинистички клин има и во средината на секоја должина така што од врвот до подножјето на карпата може да се абзелува и со едно јаже. Потсетување и предупредување „Карпата работи“... Во втората должина на Отмарова насока на Матка, во близина на превисот, наидов на клин кој е закован зад блок - кој денес е многу разлабавен и може многу лесно да се бутне со што се доведува во прашање сигурноста на клинот... Уште едно потсетување дека точките не треба да се прикопчуваат „на слепо“ и дека секогаш треба да се носи сопствено обезбедување (клинови, чокови, френдови...) независно што насоката се качува многу често и што сме практично „дома“! |
На оваа тема: |
Тоа е и една од првите насоки која ние ја имаме поминато на овој локалитет. Многу убава и логична линија со прекрасни моменти во секоја должина. Првата должина ја качуваме од заедничкиот почеток на 
Третата должина се движи исто така многу логично – кон жлебот лево нагоре над сидриштето кој на крајот станува превисен (полесен од превисот во втората должина) и завршува повторно нагоре низ краток и лесен жлеб со убави фаќалишта и стојалишта, но овде треба да се внимава на ронливост. Друга варијанта е да се отиде во лево кон гребенот и тој да се следи сé до сидриштето. Од ова сидриште следува 60 метри лесен, но раскршен терен со помали и поголеми нестабилни блокови и треба да се биде исклучително внимателен и да не дојде до опуштање по искачувањето на првите 3 должини...