Насоки кои ги поминавме при оваа посета: |
Доломити - Август/2010г. -19.08.2010, Игор Т.
Дилфер (250м, V+) Оваа насока се наоѓа на западната страна на Големата Кула на Лаваредо (2999м) Први качувачи: Ханс Дилфер и Вернер Фон Бернут во Август 1913г.
Пристап: Пристапот се прави од планинскиот дом Ауронцо каде има паркинг во неколку нивоа. Од највисокиот паркинг следете ја патеката која кон исток започува да оди под карпата - треба да се дојде до седлото помеѓу Големата Кула и Западната Кула и со оглед на ситниот сипар ова е најлесен начин. Кога ќе се дојде до највисоката точка на седлото (каде има издлабено засолниште во карпата), се врти во десно и се оди кон западната страна на Големата Кула. Време за пристап: околу еден час. Опис: Преку лесни скокови (II) се стигнува до широка тераса каде има мал заб до ѕидот. Преку тој заб се влегува во цврсти и експонирани плочести движења (V) кои со благо дијагонално движење во десно носат до почетокот на жлебот. Жлебот со пукнатина се следи во целата негова должина (околу 140 метри). Одлична карпа и линија со тежини V-/V+. Нема многу клинови, но пукнатината дава супер можности за чокови и френдови. Жлебот завршува на широк појас од каде преку две лесни должини (IV+/III) се стигнува до кружниот појас под врвот на Голема Кула. Симнување: Преку тој кружен појас се излегува на јужната страна и на другиот крај се започнува симнувањето по Нормалната насока, која е добро означена, но има неколку експонирани движења по раскршен терен и се препорачува внимателно движење и шлем. До подножјето на карпата сметајте на 2 до 2 и пол часа симнување. Повеќе детали: kontakt@alpinizam.org |
На оваа тема: - Наши искачувања во Доломитите во 2010г.; - Наши искачувања во Доломитите во 2008г.; |
Д