Кордилера Бланка - планините во Перу

Урус Источен Врв, Токлараху, Ишинка, Ранрапалка

База е долината Ишинка – поточно местото Колон до кое се стигнува од градот Хуараз за околу 1 час возење со комбе (такси). Од Колон до базниот камп се пешачи околу 4-5 часа.

Урус Источниот Врв (5420м) е совршен за аклиматизација. Нормалната насока оди преку југоисточните падини и источниот гребен. Искачена е во 1957 година и има 1040 метри висинска разлика од базниот камп. Тежината е PD-.

Токлараху (6032м) – Нормалната насока оди преку северозападниот гребен. Оваа насока е качена во 1939 година и има тежина D.

Западната директ насока – качена во 1980 година. Висинската разлика од подножјето на страната до врвот е 430 метри и тежината е D+.

Ишинка (5530м) – исто така добра планина за аклиматизација и за тие со малку искуство зад себе. Нормалната насока оди по северозападните падини и не се знае точно кога прв пат била качена. Тежината е PD-

Југозападниот гребен – прв пат поминат во 1954 година има оцена PD-. Тоа е гребен кој го прави седлото меѓу Ишинка со Ранрапалка.

Ранрапалка (6162м)

Нормалната насока оди преку североисточниот гребен (од седлото со Ишинка). Искачен прв пат во 1958 година има тежина D.